ქართული მედიის მხარდაჭერის მიზნით კომპანია FORBI და NIMA–ს სადიპლომო პროგრამები საქართველოში ყოველ სასწავლო სეზონზე უსასყიდლოდ მოიწვევენ სასწავლებლად მედია-საშუალების რამდენიმე წარმომადგენელს, რომელიც უზღვება, მუშაობს ან ითავსებს მარკეტინგის ფუნქციას თავის კომპანიაში. ინიციატივის მიზანია, ხელი შეუწყოს მარკეტინგის ფუნქციის ეფექტურ განვითარებას ქართულ მედია-საშუალებებში და ამით გაზარდოს მათი მუშაობის შედეგიანობა.

მოცემული პირობები ეხება NIMA/EMC ორმაგი დიპლომის პროგრამას NIMA A Marketing Practitioner – მარკეტინგის პრაქტიკოსი. პროგრამის შესახებ ინფორმაცია იხილეთ ვებ-გვერდზე www.forbi.biz

შერჩევა მოხდება საკონკურსო საფუძველზე.

დაინტერესებულ პირებს გთხოვთ, შემოიტანოთ შემდეგი სახის დოკუმენტები:

• პროფესიული რეზუმე
• სამოტივაციო წერილი (მიუთითეთ, რატომ არის თქვენთვის მნიშვნელოვანი მარკეტინგში საერთაშორისო კვალიფიკაციის მიღება და როგორ გამოიყენებთ მიღებულ პროფესიულ უნარ-ჩვევებს)
• ცნობა სამუშაო ადგილიდან
• ორი სარეკომენდაციო წერილი სამუშაო ადგილებიდან

აღნიშნული საბუთები გთხოვთ, გამოაგზავნოთ შემდეგ მისამართზე: media@forbi.biz

საბუთების წარდგენა შეიძლება მოხდეს როგორ მედია-კომპანიის თანამშრომლის, ისე – ხელმძღვანელობის მხრიდან.

საბუთების მიღება გრძელდება 25 აგვისტომდე.

გამოცემის თარიღი: 25-08-2010